Hey, schön bisch bi eus

HEB DI GUET...

da gads zu eusne Gsichter

HALDENGUT

Boris

Dä Boris isch de Dekomeister vo Züri. Egal ob im Hive, Kaufleuten oder ide Friedas Büx - de Boris macht mit sine Dekoratione jedi Party zumene einzigartige Erlebnis! Am Boris sini Dekoratione münd guet hebe, und zwar immer. Drum liebt er au Haldengut.

Erfahr meh über de Boris

Moira

D’Moira isch de neui Stern am Zürcher Kunsthimmel. Scho vo chli uf isch Disney en wichtige Bestandteil gsi vo ihrem Lebe, was au i ihrere Kunst zum Usdruck chund. Näb Disney und Kunst liebt d’Moira au Bier. Und was seid sie echt zu Haldengut?: «Ja, isch geil!»

Erfahr meh über d'Moira

Eric

Dä Eric aka «Lou Combo» isch bekannt für sini gueti Lune. Die repräsentiert er au ide Nacht i sine Sets und sorgt demit für es Lächle im Gsicht vo villne tanzfreudige Clubgänger. Stimmig isch für ihn s'A und O. Und Haldengut leistet debi en wichtige Biitrag.

Erfahr meh über de Eric

Eusi Produkt

S’Haldengut Lagerbier wird mit edle Zuetate (Quellwasser, Malz und Hopfä) nach dä glichä Rezeptur wie scho 1843 braut – es einzigartig usgwonigs und süffigs Bier wo jede Durscht löscht!

Erhältlich ide Fläsche (50cl, 58cl) und im Offeusschank (20 Liter)

Alkoholghalt: 4.8% Vol.
Stammwürze: 11.4
Ideali Trinktemparatur: 6-8°C
S’Haldengut Lagerbier wird mit edle Zuetate (Quellwasser, Malz und Hopfä) nach dä glichä Rezeptur wie scho 1843 braut – es einzigartig usgwonigs und süffigs Bier wo jede Durscht löscht!

Erhältlich ide Fläsche (50cl, 58cl) und im Offeusschank (20 Liter)

Alkoholghalt: 4.8% Vol.
Stammwürze: 11.4
Ideali Trinktemparatur: 6-8°C
S’Haldenkrone isch es Spezbier und wird nur mit de beschtä vude beschtä Zuetate braut. Eusi erfahrene Braumeister möched das Bier zumene wahre Gnuss – Überzüg dich selber.

Erhältlich ide Fläsche (33cl) oder im Offeusschank (20L)

Alkoholghalt: 5.2%
Stammwürze: 11.9
Ideali Trinktemperatur: 6-8°C
S’Haldenkrone isch es Spezbier und wird nur mit de beschtä vode beschtä Zuetate braut. Eusi erfahrene Braumeister mached das Bier zumene wahre Gnuss – Überzüg dich selber.

Erhältlich ide Fläsche (33cl) oder im Offeusschank (20L)

Alkoholghalt: 5.2%
Stammwürze: 11.9
Ideali Trinktemperatur: 6-8°C

Än Innovativi Schwiizer Brauerei mit 180 Jahr Gschicht

1843

braut de Landwirt Ferdinand Ernst s’erste «Haldengut» Bier in Winterthur. Das dä edli Gerstesaft guät isch, spricht sich schnell umä idä Gägend. Sogar in Züri Downtown fröged immer meh Lüüt nachäme «Haldengut» oder «Ernst» Bier.

1885

sind wagemuetigi Haldegüetler mit Pferd und Wage ufbrochä zum Klöntalersee (80km vo Winti entfernt!), wos Naturiis gfundä händ. Die chüählendi Würkig vum Naturiis isch notwändig gsi zum äs richtigs Qualitätsbier brauä. Spöter hät denn die industriell Iiismaschinä die ständig Suechi nach Naturiis abglöst.

1894

hät na jede Haldegüetler pro Tag 6 (!) Liter Freibier übercho. Das isch damals na üblich gsi bidä Brauereie und nöd sälte sind d’Männer betrunkä vom Schaffe heicho, was d Ehefrauä gar nöd gern gseh hend. Us dem Grund hät d’Brauerei Haldegut – als erschti Brauerei überhaupt – s’Freibier abgschafft und deför de Mitarbeiter en höchere Lohn uszahlt.

1902

händ d’Mitarbeiter vo Haldengut chöne im eignä Personalschwümmbad badä. Denn es isch scho damals scho lang vor äm Google Office bekannt gsi: Glücklichi Mitarbeiter sind produktiver bim Schaffe. Scho vorem 1. Weltkrieg braut d Brauerei Haldgengut über Hundertuusig Hektoliter pro Jahr und isch zude viertgröschte Brauerei im Land wordä. Wahnsinn!

1927

ebnet de damaligi Direktor vodä Brauerei Haldengut – de Fritz Schöllhorn - de Wäg zude Gründig vom Schwiizer Bierkartell, wo vo 1935 – 1991 de Bierabsatz ide Schwiiz bestimmt hät. Kartell kennt mer ja hüt nur na vo Netflix, wo de Fritz ganz bestimmt en Bad Boy gspillt hetti.

1951

wird s’ikonische Rössli zum Markezeichä vo Haldengut. Das neue Logo isch ä Hommage a di starchä Brauereipferd wo mit dä Kutschä s’Bier Wuche für Wuche zudä Gastwirte gfahre händ, bevors spöter denn vo motorisierte Gfährt abglöst wordä sind.

1968

Haldengut isch idä Neuziit acho und isch ufgfalle mit hippä Werbeplakat und emä neue Slogan «Ende Gut – Haldengut».

* Haldengut Bilder kreiert von der Adolf Wirz Webagentur


1989

wird de Konkurränzkampf zwüschet dä Brauereie immer grösser und äs chunt zum Schulterschluss zwüschä de Brauerei Calanda und Haldengut. Foif Jahr spöter beteiligt sich HEINEKEN a dere Brauereigruppä.

2023

….heb di fescht….fiiräd d’Marke Haldengut bereits s’180 jährige Bestehe und isch somit eini vudä älteste, traditionsrichschte Biermarkene vude Schwiiz. Da druf sind miär Haldegüetler Stolz und fiiräd das miteme neue Motto: HEB DIE GUET – HALDENGUT.

Da gits guäts Bier!

Red mit eus

Häsch e Frag zu eusne Produkt oder wotsch suscht was wüsse? Denn kontaktier eus jetzt via Kontakformular oder Instagram.

  • This field is for validation purposes and should be left unchanged.

@haldengut1843